"devolveralpuebluloquedelpueblusalió"

"devolveralpuebluloquedelpueblusalió"

EL POLI DE BLIMEA LLÁMASE ALEJANDRO GARCÍA "CARRUCHA"


Contentos, bien contentos y amás bien emocionaos pasamos la mañana del 5 d'avientu de 2015. Porque gracies al enfotu d'un grupu de xente de Blimea llamáu Colectivu Alejandro García "Carrucha" fíxose realidá'l que por fin se faiga honor a la figura d'una persona memorable pa Blimea.

Dende'l Grupu Folclóricu "Blimea" dámosvos les gracies porque pal nuesu grupu fué una persona bien importante.

Contentos, muy contentos y además muy emocionados pasamos la mañana del 5 de diciembre de 2015. Porque gracias al empeño de un grupo de gente de Blimea llamado Colectivo Alejandro García "Carrucha" se hizo realidad el que por fin se haga honor a la figura de una persona memorable pa Blimea.
Desde el Grupo Folclórico "Blimea" os damos las gracias porque para nuestro grupo fué una persona muy importante.


CONCIERTU HOMENAXE A LOS BERRONES

3 de ochobre de 2015.
La Bandina "En Madreñes" del G.F."Blimea" nel homenaxe a Los Berrones.
Semeyes del Faceboock José González Roces
Karina Gutiérrez



DE 25 ANIVERSARIU

El 29 d' agostu celebramos xuntu con dos persones bien allegaes y per importantes pal grupo el so 25 aniversariu de bodes Lolo y Ana.
SETIEMBRE DE 1990
Nacieron así como quien diz nel grupu, conocieronse nel grupo, enamoraronse en el grupo, criaron a los sos fios dientro del grupo.............................................
Y siguen compartiendo parte de la so vida con toos nos.
Agora a pol 50 aniversariu dientro del grupu chavales.
Karina Gutiérrez

SETIEMBRE 2015

SETIEMBRE 2015


LLAGAR DE QUELO

Animando una cena nel Llagar de Quelo (Tiñana)
25 de Setiembre de 2015.
Karina Gutiérrez

VAMOS A LA YERBA

Nun hai actividá qu'el Grupu Folklóricu Blimea nun se preste a facer. N'esta ocasión tamos nel mes de xunetu y la actividá que toca facer n'esta época l'añu, de díes llargos y calor, ye dir a la yerba. Y p'allá que fuimos.

Pidimos collaboración a dalgún vecín del pueblu, qu'ensin pensalo dos vegaes, echónos un buen gabitu cola so experiencia, con ferramienta o incluso con animales; y colos collacios de Dos Punto Cero Audiovisuales, ficimos un documental que fala de lo que yera la siega n' Asturies cuandu entá nun había tractores nin empacaores nin nada asemeyáo.

Representamos tol procesu pol que pasaba la yerba. Dende segalo cola gadaña, hasta trincalo na tená pasando por tolo qu'hai pol mediu que veréis nel videu. Tou ello perbién grabáo y con una voz de fondiu qu'esplica de forma más detalláo toos esos procesos.

Equí vos dexamos una semeya de tolos que participamos d'esi día tan prestosu y en breves el documental y más semeyes.
Gabriel Catalán Rivera

I Y II NUECHE EN DANZA

Equí vos dexamos unes semeyes de la I NUECHE EN DANZA Y DE LA II NUECHE EN DANZA.
La primera como bien sabeis fízose en marzu nel pueblu La Nueva (Llangreu) y la segunda en Valdesoto (Sieru). Les dos tuvieron un éxitu rotundu.
Agora vamos esperamos ya impacientes a la III NUECHE EN DANZA. ¿cuándo y ónde será?
Tamos orgullosos de poder compartir con tolos grupos que participamos y la xente que nin siquiera pertenez a ningun grupo y se avera a nos.
¡¡¡VIVA EL BAILE!!!!!!!!!
Karina Gutiérrez
Les semeyes son de XOSÉ AMBÁS.

I NUECHE EN DANZA


II NUECHE EN DANZA

I NUECHE EN DANZA

I NUECHE EN DANZA

I NUECHE EN DANZA

CENA 2015

Esta ye una folixa privá del grupu. La cenuca del 2015.
CASA PEPE LUIS SANAMIES (BLIMEA)

ESPICHA FOLCLÓRICA

Ya sabeis..................... esti fin de selmana toca la Espicha Folclórica.
Traei instrumentos que nun se vos afurruñen en casa oh..................

I NUECHE EN DANZA

FOTO DE LA CUENCA DEL NALÓN PERIÓDICO
Textu del períodicu La Cuenca del Nalón.
OJO AQUÍ. INICIATIVA GUAPA: Bailar, tocar la pandereta, cantar y pasar una buena "Nueche en Danza" es el objetivo de una original iniciativa que han puesto en marcha un grupo de personas, entre las que está el colaborador de TPA, Xoxé Ambás. Esta actividad arrancará mañana a las 10 de la noche en la localidad langreana de La Nueva y busca ser un lugar de reunión pasa los aficionados al baile tradicional asturiano, o para los que quieran simplemente aprender. No hay limite de edad ni requisitos específicos para participar en esta Nueche en danza. Solo ganas de pasarlo bien.

El Grupo "Blimea" xunto con Reija, Prau Llerón, Xeitu, Ventolin, Vezos Astures, Fitoria, Ramses y Ambás ye el promotor de esta I NUECHE.
ANIMAMOSVOS QUE A PARTICIPEIS CON NOSOTROS.
¡VIVA EL BAILE!!!!!!!!!!!!!!!!!
14.3.2015

CONCIERTO DE MAYALDE

Tabemos ensayando un día de xineru, cuando entamando'l siguiente ensayu diz Sergio:
- El sábadu que vien nun cuntéis conmigo que nun voi venir ensayar.
Quedamos toos un pocu asina porque...eso ye bastante raru.
- Ye que vien Mayalde a Cenera.
- Meca!!!
L'ánxel de llau derechu dicíame que tenía que ser responsable y dir ensayar, pero'l diañu del llau esquierdu dicíame que pirara que Mayalde son bien bonos...hasta qu'escucho a Lolo dicir:
- Home, quedamos en que los ensayos tamién podemos facer a veces una actividá cultural, daqué que tenga que ver col folclore.
Semeya fecha por Mayalde
Y oye vi'l cielu abiertu, claro claro, podíamos dir, yo namás pudi ver una vegada un mini conciertu y quedé cola boca abierta, entos entamamos y el día 31 yá tábamos nel autobús en dirección a Cenera a la casa que tien l'Asociación Serondaya.
Llegamos con tiempu, que yá nos avisaron qu'aquello aína s'enllenaba.
Tienen ellí un local muy afayaizu, con una barra pequeñina pa que quites la sede y lo meyor de too chocolate pa quitar el fríu que diba esi día.
Y en esto empezó a enllenase de xente a asgaya!!!! y empieza el "conciertu" póngolo ente comillas porque aquello nun foi un conciertu al usu, aquello foi una clase d'Eusebio a un montón de xente con ganes d'aprender sobre la música y la tradición.
Yo non se cuanto duró al final la clase, pero al mio pasóseme como si fueren 10 minutos, tocaron de too, y cuando digo de too ye de too...con madreñes, con garbanzos, con un reclamu de falpayares, con una escoba, con una llata y un cayáu..lo dicho, con tou, nótase que-yos gusta enforma lo que faen porque esfruten y faenM esfrutar al públicu, inclusive con el ayudantes que se busquen (eh padrín!!!!!)
Yo nun tengo palabres pa describilo, namás puedo dicir que si tenéis oportunidá vaigáis a velos que nun vais a penar.
Dende equí quiero estimar a Asociaciones como Serondaya qu'anque l'ayuda económica que tienen nun ye enforma, faen unes actividaes bien interesantes, pa cualquier cosa que preciséis equí ta el G.F. Blimea pa echar un gabitu.
Aprovecho tamién pa dicivos qu'esti fin de selmana en La Nueva un pueblin de Llangreu, va a celebrase la primera Nueche en Danza, nel local que tienen l'Asociación Cultura y de Vecinos San Luis, si vos gusta esto del folclore, nun lo podéis perder.
Y lo más importante de too!!!! los díes 20, 21 y 22 de Marzu celebra la mundialmente conocida espicha del Grupu Folklórico "Blimea", nel local de Casa Fina, ¿qué nunca vinisti? entós ye que nun sabes lo que ye una espicha, esperámosvos a toos pa comer y beber, alcordavos tamién de traer los instrumentos, qu'en casa s'aburren.
31 de xineru de 2015
Asur Calleja Montes




LA FAMILIA MAYALDE AL COMPLETO


"PUEBLOS" en Sanamiés (Blimea) Progama de la TPA

Participamos na grabación del programa "Pueblos" que s'emite los llunes na TPA.
Nesta ocasión Sonia Fidalgo visitó'l pueblu de Sanamiés (Blimea) Samartín del Rei Aurelio.
Y nós punximos un pocu'l nuesu granín d'arena animando'l final del programa baillando la Jota Casina. Prestonos enforma.
Equí dexámosvos n'enllaz por que podais velo. Nós salimos a partir del minutu 51. Pero aprovechai a mirar el programa enteru porque tien unos paisaxes preciosos amás precisamente estos díes habíanos caido una bona nevadina.
Que vos preste.
Emitiu el 2.3.2015
Esti ye el enlace:

PUEBLOS TPA SANAMIES (BLIMEA)










Participamos en la grabación del programa "Pueblos" que se emite los lunes en la TPA.
En esta ocasión Sonia Fidalgo visitó el pueblo de San Mames (Blimea) San Martín del Rey Aurelio.
Y nosotros pusimos un poco nuestro granito de arena animando el final del programa bailando la Jota Casina. Prestonos mucho.
Aquí os dejamos en enlace para que podais verlo. Nosotros salimos a partir del minutu 51. Pero aprovechar a mirar el programa enteru porque tiene unos paisajes preciosos además precisamente estos días nos había caido una buena nevadina.
Esperamos que vos preste.