GRUPU FOLCLÓRICU "BLIMEA": octubre 2017

Bonu collacios, pués yá pasó'l gran día 7.10.2017.
Quédanos una prestosa alcordanza de tolos preparativos y actos que ficimos pa poder celebrar el llogru de blimeasemuevepor.....el grupu folclóricu y tolos vecinos del pueblu de Blimea apurriendo les sos firmes por que estó se llevare a cabu.
¡Ya ta!!!!!!!
Tol colectivu del Grupu Folclóricu "Blimea" componentes y excomponentes ya tenemos una plaza nel pueblu.
Vamos faer una curtia reseña de los actos pa que quede pa l'alcordanza y nun se nos escaeza.

PLAZA G.F. "BLIMEA"

Pela mañana Alborada peles cais del pueblin. Treslladámonos dende la Carnicería Sofía que nos donara'l Texu, pa llantálu na plaza, cola ayuda de los padres de los nenos del Grupín, que fueron los que s'encargaron de apurrir l'árbol. A la fin subiéronlu nel remolque de la carnicería (bufff pesaba un quintal).
D'arreu l'Actu de Inaguración cola representación del Alcalde y grupos políticos.
Los padres llantáron l'árbol y darréu regámoslu, cola ayuda de toles asociaciónes de Blimea que pasen d'una ventena y de les cuales llevamos bien de sorpresa, pos allegaronse la inmensa mayoría.
Por ciertu a cada asociación dímos-i una regaera que contenía agua de fontes de la parroquia, dende Peñacorvera, Sienra, pasando por La Merina, Burganeo, Sanamiés etc. etc.
Pa poner broche final a la mañana ficimos un Festival Folclóricu.
Una representación bien intensa pa nós; onde queríamos amosar a tolos que nos taben viendo bailles dende los empiezos del grupu hallá pol 58 hasta agora 2017. Y pa ello cuntamos con antiguos ex-componentes.
Ampliu repertoriu qu'agora tenemos y nun queríamos dexar nada nel tinteru.
Dende la Xota Blimea que ye lo que primero deprendemos hasta la última incorporación nun fai nin un mes, Les Panaderes.

Dientro del Festival homenaxamos a les persones más antigües na trayectoria del grupu y a la más pequeñina del Grupín.
Y de siguío a comer toos xuntos. Pasamos de los 250 comensales. José Alberto, antigüu componente del grupu, de Asturcocteleros, fué el encargáu de damos de xintar y casi nos mata porque en principiu lléremos 150 y cásique doblamos, pero a la fin tuvo to mui rico.
Por ciertu demientres la comida antiguos componentes del Grupu diéron-i una sorpresa a Rodri, Ana y Niti.
Dempués de la sobremesa, entamamos la tarde con un pequenu conciertu del Grupu Vocal Amitié y darréu MAYALDE. 2 HORES INTENSES. ¿A QUE SÍ? Que bon sabor de boca nos dexaron.
Bonu. Y pa poner broche final al día NUECHE EN DANZA con una montonera de xente que quiso participar con nos altruistamente tocando unes piezines.
Y pa dir pa la cama contentos y fartuquinos.......... unes sopines d'ayu hacia les 3 la mañana que nos supieron a poco.
Por ciertu, tuvimos chigre to'l día, mui bien atendíu polos collacios del C.D. ASTURIAS DE BLIMEA.
YO POR MI REPETIA.....
¿Y TÚ??????????
Nesta primer semeya queremos dexar constancia de la xente que arrimó l'hombru pa que esto se llevare a cabu. blimeasemuevepor.............
Gracies pueblín de Blimea:)