SAN ANTÓN EN SANAMIÉS

El domingu 21.1.2018 tuvimos na fiesta que se celebra n'honor a San Antón en San Mames (Blimea). Tuvimos una mañana soleyera y primaveral para realizar la procesión dende la Peruyal hasta la capilla onde se celebró la misa. Dempués animamos la sesión vermut delantre del chigre con unos bailles.
Y como ya sabreis munchos de vosotros xente xoven del pueblu uniose pa facer una comisión de fiestes nel branu y con tola ilusión ya tan trabayando ensin parar.
Así que los dis 31 d'agostu, 1 y 2 de setiembre Sanamiés tien que petáse de xente pa disfrutar dis de folixa y unión.
A por toes y esperamos que too vos salga perbien chavales.
Equí vos dexámos momentos de la Procesión, La Puya y la Triada delantre la Capilla y como non la Sesión Vermú.
La semeya de Grupu ye de Alberto Zapico.

AMPLIANDO REPERTORIU

El sábadu 13 de xineru empezamos una nueva aventura. Non queriamos dexar de pasar la oportunidá d'ampliar repertoriu tradicional y cuntamos con ayuda d'unos monitores llaniscos.
¿Sabeis de que pieza se trata?
Ende vos los dexamos........... pescudar.
Por cierto....... munchos de nós ya teniamos ganes d'enfusamos nesta pieza guapa, guapa.
Haber si la imaxe vos lo resuelve. Tamos ilusionaos.
Gracies a Nerea y a Esteban del Grupu Folclóricu El Pericote de Llanes

CABALGATA DE REIS BLIMEA

Como cada añu l'Asociación Cabalgata Blimea cuntó col Grupu pa animar el desfile como parte del Belén viviente. Mientres el desfile y dientro de la ilesia, mientres la recepción de los Reis magos con sones y villancicos de navidá.
Dende'l Grupu Folclóricu "Blimea"queremos felicitar a l'Asociación pol so bon faer.
Añu tres año vos superais.
 FELICIDAES.

CABALGATA 2018

FESTIVAL DIA DE REIS

Anguaño volvimos de nuevu a la Fundación Patronato San José a acompañar a los residentes na tarde del día 4 de xineru de 2018 na que celebraben el Festival de Reyes. Encantaos de poder compartir una tarde bien entretenida con ellos.
Tamién visitamos el guapu belén; el cual tolos años crez y crez colos trabayos de manualidades qu'ellos mesmos faen.
Convidamos a tol mundu que pase a conocelo pués merez la pena.
Dempués del Festival esfrutamos d'un chocolate con roscón de reis riquísimu.
Esperamos volver llueu.
EL GRUPÍN

LOS SONES NA NAVIDÁ ASTURIANA

La tarde del vienres 29 pasamosla en Grao acompañáos d'otros grupos cantando los Sones de la Navidá Asturiana convidáos por Xosé Antón Ambás ya Ramses Ilesies.

Pa rematar la Nueche l'ayuntamientu convidomos a un pincheo a tolos participantes que nos supo a poco..si por d'algunos ye tovía tamos allá.

AGUINALDU 2017

Equí dexámosvos unes semeyes de la mañana tan guapa que pasamos tocando'l aguinaldu nel Mercáu de Blimea.

AGUINALDU NEL MERCAU

El vienres 29.12.2017 vamos tar animando el Mercau con villancicos.
Así que dir rascando el bolsu pa damos l'aguinaldu. Tamién aceptamos fayuelinos, turrones, mazapanes y champan ensin alcohol. jijiji.

XV AMUESA DE FOLCLÓRE TINEU

El sábadu 16 d'avientu de 2017 tuvimos en Tineu na XV Amuesa de Folclóre entamada pola escuela de municipal de música.

Pasamos una tarde-nueche bien prestosa compartiendo folclóre con xente que nun se xuntaba dende los años 80 y picu. Nin más nin menos que xente del grupu los Concestones de Tinéu. A los cualos deseyamos que se vuelvan a axuntar llueu pa que sigan colo que nel so día construyeron.

Equí dexámosvos xunes semeyes y el cartelu colos demás grupos que nos acompañaron.

GRACIES IRENE CALLEJA

Va unos díes recibimos de parte de la Ilustradora Blimeina que nos fixo'l el dibuxo de la Inaguración de la Plaza Grupu Folclóricu "Blimea" el cartelu orixinal impresu, encuadrau y firmau por ella mesma. 

Y como non.............

Nun queremos dexar pasar la oportunidá de dexalo en constancia equí y agradeceilo.

Munches gracies Irene Calleja por esti regalu tan guapu.

ADORNU DEL TEXU 2017

Esti ye'l primer añu que tenemos árbol propiu y, como diz la tradición, el texu ye un árbol sagráu, y nun podíemos dexar pasar la oportunidá d'adornálu colos nuesos meyores deséos. Punximos ilusión en facer los adornos con les nueses manes y ponelu ca ún en la parte´l texu que más-i gustara. Asina que ayeri pasémos un mui bon ratu dexándolu guapu, que vos presten les semeyes tanto como nos prestó a nosotros. Y mañana tendréis un recopilatoriu de los meyores momentos de la mañana.

¡PRESTOSES FIESTES!