Que pena siento cuando lu leo pues esto ya casi ni existe..................... ¡allá va!.
Que sepais que esto y más ta dientru de un llibru que podeis mercar.
ESES FIESTES DE ANTES
Corren los años 60 y poco, fiestes del pueblu, verano, 7 de la tarde, 10 de la noche y más, en la plaza, la clásica orquestina pa'l baile a lo agarrao; Marimbas Punto Azul, Pocovi, Alonso y su conjunto... Etc., ¡cualquiera vale!Les fiestes , sábado, domingo y lunes; el lunes pa la jira en prau; pa'l casu val cualquier día.
Toca la orquestina los clásicos bailes de antes: pasodobles, cumbies, tangos, rock and roll, La Chica Ye-Ye, La Yenca, etc.
La plaza llena de juventú y de mayores, unos bailando y otros controlando; los neños y neñes sentaos en el quiosko delante de los músicos y estorbando a les parejes que tan bailando ¡ vaya fiestes! Tous felices, algún que otro con la falda la camisa fuera del pantalón (que-i ta cayendo), el vasu agarrau en la mano con el brazu en alto y bailando solu mirando pa'l suelu porque movíase la cera en reondo...
De pronto el vocalista de la orquesta anuncia que van tocanos la última pa dar pasu a un descansín y cenar, ¿descansín?, ¡ja!.
Apaecién los gaiteros: Canorín el del Portiellu y Sergio el Ritu de Bimenes, na más sonar el chiflu la gaita y sentir templar el tambor pa ajustalu; bien dándoi unos golpinos en el aru pa que aprieten bien les cuerdes ¡zas! La xente abría corru; pero un corru ¡ASI DE GRANDE!!!!!!!!!!.
Empezábemos a apaecer alguna pareja, algún mozu sueltu. Díbemos emparejándonos como podíemos y al primer temple de la gaita ya lu había que saltaba.
-¡QUE PRISA TENIA POR ENCONTRAR PAREJA, COÑO!
Los que bailaben bien nun teníen falta correr, ya aparecería con quien bailar; tanto el mozu como la moza esos rifáben bien.
El primer baile: LO SUELTO:
Ocho ó diez ó doce parejes bailando, el corro iba quedando pequeñu y abríase más con otra pareja que entraba.
Comentarios de la xente:
-Ves como baila el paisanu, ye vieyu pero hay que posái la gorra, como salta; mira,mira como lu rifen les moces, van a acabar con él.
Les moces, cuando algún yera buenu bailando, turnábense y reventaben a uno.
- Mira la roxina de Cabañes Nueves, a esa nun la rinden entre cuatro, ya pueden turnase y quitase unos a otros que aguanta como una jabata, piernes mazices, carina colorá, más bien llenina de cuerpu, pero acaba con tous ellos.
Segundu baile: LO LIGERO:
-¡AY MADRE!, les parejes siguen siendo les mismes pero aquí ya hay algún que aparte de tar cansau ya controló la pareja que más y gusta y va a por ella, ya se van seleccionando los que saben bailar y los que yos gusta pero nun lo faen tan bien.
Empieza el baile y Velino el Roxu ya tá con Carmina la de Fonso; Alejandro Carrucha ya emparejó con Nieves la de Daniel; el Gallegu de Santa Bárbara vaya pareja que fae con la mocina de Cabañes Nueves; Pilina la de Sanamiés ya encontró a Vicentín de Cabañes Nueves.
-Mira el manquín de la Pola como se arregla con esa mocina.
El baile animase solu. De vez en cuando algún ó alguna entra y quitai la pareja a otru ó a otra, vale, porque así danse un respiru.
La pareja de gaiteru y tamboriteru toquen y además observen, si se ve que decae por cansanciu, procuren facer los cambios cortos, si ven que les parejes de bailaores, disfruten, faen los cambios más largos, y la piecina dura más, esto ya así; ¡DA GUSTO!
Tercer bailin: LA MUÑEIRA:Los bailaores ya tan un poco cansaos y alguna que otra pareja ya nun aguanta el ritmo, pero van intentalo. Empiecen toes, pero van cayendo rendíos, esto siendo en la plazoleta del pueblu que ta embaldosá y cánsase más que si fuere en prau porque te recalques un poco más, pero tien la ventaja que nun se levanten les polvarees que si fuese en tierra; con la sudá que cojes y la polvarea que se levanta, acaba ún como un carreteru.
La cosa ta animá y los gaiteros que saben bien lo que faen alarguen un poco más la piecina, en el corro van quedando los que desde el principiu supieron guardar fuerzes, bailando reposaino y tranquilo, los que quisieron comelo tó de golpe tan sentaos n'el suelu limpiando la sudá y mirando pa los que bailen.
Velino y Carmina tamién acaben dejándolo poco a poco, ya son mayorinos y a Velino la mina tamién y dió caña.
El manquín de la Pola y la rapacina ya lo dejen tamién, pero aguantaron como valientes y bien compenetraos, la roxina de Cabañes Nueves y el Gallegu tovía piden que siga, ¡estos si que revienten, pero a los gaiteros!, son infatigables; Nieves ya lo dejó y Carrucha acabó con Pilina la de Sanamiés, Carrucha picó carbón en la nueva pero picólo muy menudino y el fuelle tovía lu tien casi nuevu.
-¡COMO AGUANTEN TOUS!
Los gaiteros dan por finalizá la ronda y aplausos pa tous, queden pa tomar un culete y al próximu descansu de la orquesta ya tan otra vez frescos pa empezar.
Y esto así ye, la orquesta empieza a tocar un twis y los guajes, a mover el esqueleto y les pates, esto también ye así.
Esta pequeña historia (que nun ye cuentu), vien a cuentu , porque la idea que sobre el folclóre debiéra tener (¿o ya tien?) El Grupo Folclórico Blimea, ye una idea pa ponela en práctica y me explico:
Todos los componentes del Grupo tenemos la obligación de poner en práctica el aprendizaje de los bailes fuera del entorno físicu de lo que ye el organigrama del mismu. No hay cosa más guapa que lo que se aprende dentro sacalo pa fuera, pues ye de fuera de donde se aprendió. Debiéramos procurar que la típica costumbre de bailar a lo suelto, no se limitase a facelo cuando se contrata una salida, tanto de prau como de otra cosa, tal y como antes se facía. Esto pa mí ye el fundamentu más lícitu por el que los grupos folclóricos debieran existir, y la filosofía con que se debiera actuar. Sé que nunye fácil tal y como hoy se están montando les fiestes, pero nuestra función ye:
"devolveralpuebluloquedelpueblusalió"
Rodrigo Catalán
No hay comentarios:
Publicar un comentario